14 nga baza në tokë deri në platformën e poshtme ka dy kubitë; platforma është një kubit e gjerë; nga platforma më e vogël deri në platformën më të madhe ka katër kubitë; platforma është një kubit e gjerë.
15 Vatra e altarit është katër kubitë e lartë, dhe nga vatra e altarit ngrihen katër brirë.
16 Vatra e altarit është e gjatë dymbëdhjetë kubitë dhe e gjerë dymbëdhjetë kubitë, domethënë një katror i përsosur.
17 Platforma e sipërme në të katër anët e saj është e gjatë katërmbëdhjetë kubitë dhe po aq e gjerë, me një buzë rreth e qark prej gjysmë kubiti; shkallaret e veta shikojnë nga lindja".
18 Pastaj më tha: "Bir njeriu, kështu thotë Zoti, Zoti: Këto janë statutet për altarin kur të ndërtohet për të ofruar holokaustet dhe për ta spërkatur sipër me gjak.
19 Priftërinjtë levitë që vijnë nga fisi i Tsadokut, të cilët më afrohen për të më shërbyer", thotë Zoti, Zoti, "ti do t'u japësh një dem të ri për flijimin e mëkatit.
20 Do të marrësh pak gjak prej tij dhe do ta vësh mbi katër brirët e altarit, mbi katër qoshet e platformës dhe rreth e qark buzës; kështu do ta pastrosh dhe do të kryesh shlyerjen për të.