9 Rruga e të pabesit është një neveri për Zotin, por ai do atë që ndjek drejtësinë.
10 Një qortim i rëndë pret atë që braktis rrugën e drejtë, ai që urren kritikën ka për të vdekur.
11 Sheoli dhe Abadoni janë para Zotit; ca më tepër janë zemrat e bijve të njerëzve!
12 Tallësi nuk e do atë që e kritikon; ai nuk shkon tek të urtët.
13 Një zemër e gëzuar e bën të lumtur fytyrën, por nga pikëllimi i zemrës fryma dërrmohet.
14 Zemra e njeriut me mend kërkon dijen, por goja e budallenjve ushqehet me marrëzi.
15 Të gjitha ditët e të varfrit janë të këqija, por për një zemër të kënaqur ka festë përherë.