12 Atëherë drurët iu drejtuan hardhisë: "Eja ti të mbretërosh mbi ne".
13 Por hardhia u përgjigj kështu: "A duhet të heq dorë nga vera ime e ëmbël që gëzon Perëndinë dhe njerëzit, dhe të shkoj të shqetësohem për drurët?".
14 Atëherë tërë drurët i thanë ferrës: "Eja ti të mbretërosh mbi ne".
15 Ferra iu përgjigj me këto fjalë drurëve: "Në rast se doni me të vërtetë të më vajosni si mbret për të sunduar mbi ju, ejani të strehoheni nën hijen time; përndryshe daltë një zjarr nga ferra dhe përpiftë cedrat e Libanit!".
16 Por ju nuk u sollët me besnikëri dhe me ndershmëri duke e shpallur mbret Abimelekun, nuk mbajtët një qëndrim të mirë ndaj Jerubaalit dhe shtëpisë së tij dhe nuk e keni trajtuar siç e meritonte,
17 sepse im atë ka luftuar për ju, ka rrezikuar jetën e vet dhe ju ka çliruar nga sundimi i Midianit.
18 Kurse sot ju keni ngritur krye kundër shtëpisë së atit tim, keni vrarë të shtatëdhjetë bijtë e tij mbi po atë gur dhe keni shpallur mbret të sikemitëve Abimelekun, birin e shërbëtores, sepse është vëllai juaj.