2 Kështu Jobi mori fjalën dhe tha:
3 "Humbtë dita në të cilën linda dhe nata që tha: "U ngjiz një mashkull!".
4 Ajo ditë u bëftë terr, mos u kujdesoftë për të Perëndia nga lart, dhe mos shkëlqeftë mbi të drita!
5 E marrshin përsëri terri dhe hija e vdekjes, qëndroftë mbi të një re, furtuna e ditës e tmerroftë!
6 Atë natë e marrtë terri, mos hyftë në ditët e vitit, mos hyftë në llogaritjen e muajve!
7 Po, ajo natë qoftë natë shterpë, mos depërtoftë në të asnjë britmë gëzimi.
8 E mallkofshin ata që mallkojnë ditën, ata që janë gati të zgjojnë Leviathanin.