14 Dëgjo këtë, o Job, ndalu dhe merr parasysh mrekullitë e Perëndisë!
15 A e di ti si i drejton Perëndia dhe si bën të shkëlqejë shkrepëtimën e reve të tij?
16 A e di ti si rrinë pezull retë në ajër, mrekullitë e atij që i di të gjitha?
17 A e di ti përse rrobat e tua janë të ngrohta, kur toka pushon për shkak të erës së jugut?
18 Vallë a e ke shtrirë ti bashkë me të kupën qiellore, duke e bërë të fortë si një pasqyrë prej metali të shkrirë?
19 Na mëso se çfarë duhet t'i themi, sepse ne nuk mund të përgatisim shkakun tonë për errësirën.
20 A mund t'i thuhet vallë se unë dua të flas? Në rast se një njeri duhet të fliste, do të shkatërrohej me siguri.