7 Nga Janoahu zbriste pastaj në Ataroth dhe Naarah dhe zgjatej deri në Jeriko, për të mbaruar në Jordan.
8 Nga Tapuah kufiri shtrihej në perëndim deri në përruan Kanah dhe mbaronte në det. Kjo qe trashëgimia e fisit të Efraimit, sipas familjeve të tyre,
9 bashkë me qytetet e rezervuara për bijtë e Efraimit në mes të trashëgimisë së bijve të Manasit, të gjitha qytetet bashkë me fshatrat e tyre.
10 Por ata nuk i dëbuan kanaanenjtë që banonin në Gezer; kështu kanaanenjtë kanë banuar në mes të Efraimit deri ditën e sotme, por u bënë skllevër.