7 Këto janë familjet e rubenitëve; ata që u regjistruan në radhët e tyre qenë dyzet e tre mijë e shtatëqind e tridhjetë veta.
8 I biri i Palus ishte Eliabi.
9 Djemtë e Eliabit qenë Nemueli, Dathani dhe Abirami. Këta janë po ai Datham dhe ai Abiram, anëtarë të këshillit, që ngritën krye kundër Moisiut dhe Aaronit së bashku me njerëzit e Koreut, kur ngritën krye kundër Zotit;
10 dhe toka hapi gojën e saj dhe i gëlltiti bashkë me Koreun, kur këta njerëz vdiqën dhe zjarri përpiu dyqind e pesëdhjetë njerëz në shenjë qortimi.
11 Por bijtë e Koreut nuk vdiqën.
12 Bijtë e Simeonit sipas familjeve të tyre qenë: nga Nemueli, familja e nemuelitëve; nga Jamini, familja e jaminitëve; nga Jakini, familja e jakinitëve;
13 nga Zerahu, familja e xerahitëve; nga Sauli, familja e saulitëve.