9 që të më japë shpellën e Makpelahut, që i përket dhe që ndodhet në skajin e arës së tij; por që të më japë në pronësi me çmimin e tij të plotë si vend varrimi midis jush".
10 Tani Efroni ndodhej në mes të bijve të Hethit; dhe Efroni, hiteu, iu përgjigj Abrahamit në prani të bijve të Hethit, të të gjithë atyre që hynin nëpër portën e qytetit të tij, duke thënë:
11 "Jo, zoti im, dëgjomë! Unë të fal arën dhe shpellën që ndodhet aty; po ta dhuroj në prani të bijve të popullit tim; po ta bëj dhuratë. Varrose të vdekurën tënde".
12 Atëherë Abrahami u përkul para popullit të vendit,
13 dhe i foli Efronit në prani të popullit të vendit duke thënë: "Dëgjomë, të lutem! Unë do të jap çmimin e arës, pranoje nga unë, kështu unë do të mund të varros aty të vdekurën time".
14 Efroni iu përgjigj Abrahamit, duke i thënë:
15 "Zoti im, dëgjomë! Toka vlen katërqind monedha argjendi. Ç'është kjo midis meje dhe teje? Varrose, pra, të vdekurën tënde".