1 Por Dina, vajza që Lea i kishte lindur Jakobit, doli për të parë bijat e vendit.
2 Dhe Sikemi, biri i Hamorit hiveut, princi i vendit, sa e pa e rrëmbeu, ra në shtrat me të dhe e dhunoi.
3 Dhe shpirti i tij u lidh me Dinën, të bijën e Jakobit; ai e dashuroi vajzën dhe i foli zemrës së saj.
4 Pastaj i tha të atit Hamor: "Ma jep këtë vajzë për grua".
5 Por Jakobi dëgjoi që ai e kishte çnderuar bijën e tij Dina; por bijtë e tij ishin nëpër fushat me bagëtinë e tij, dhe Jakobi heshti derisa u kthyen.
6 Atëherë Hamori, ati i Sikemit, shkoi tek Jakobi për t'i folur.