5 Kjo tregon se Perëndia gjykon me drejtësi dhe do t’ju bëjë të denjë për mbretërinë e tij, për shkak të së cilës po vuani.
6 Perëndia do të bëjë atë që është e drejtë dhe do t’u japë mundime atyre që po ju mundojnë,
7 ndërsa ju do t’ju çlirojë nga mundimet që po kaloni, ashtu si do të na çlirojë edhe ne kur të vijë Zoti Jezu nga qielli bashkë me engjëjt e tij të fuqishëm.
8 Ai do të vijë me zjarr flakërues për të marrë shpagim nga ata që nuk e njohin Perëndinë dhe që nuk i binden ungjillit të Zotit tonë Jezu.
9 Këta do të ndëshkohen me shkatërrimin e amshuar, të ndarë nga prania e Zotit dhe nga lavdia e fuqisë së tij.
10 Atë ditë ai do të vijë për t’u përlëvduar bashkë me besimtarët e vet dhe për t’u admiruar bashkë me të gjithë ata që i kanë besuar, sepse ju i besuat predikimit tonë.
11 Ne lutemi gjithnjë për ju, që Perëndia t’ju bëjë të denjë për të përmbushur thirrjen e tij dhe që me fuqinë e tij të arrini çdo qëllim të mirë e të përsosni çdo vepër të besimit tuaj.