Bagalata

²¹Ha ho le jwalo, na molao o hanana le dipallo tsa Modimo na? Le hanyenyane! Hobane molao o neilweng batho hoja o ka tseba ho phedisa, ruri ho loka ho ne ho tla tswa molaong. ²²Empa Lengolo le hlahletse batho bohle sebeng, hore pallo e tle e newe badumedi ka ho dumela ho Jesu Kreste. ²³Enere ha tumelo e eso ho tle, re ne re lebelwa ke molao, re hlahletswe ho wona, ho ntse ho lebeletswe tumelo e tlang ho bonahala. ²⁴Ka mokgwa o jwalo, molao e bile modisa wa bongwana ba rona, ho re isa ho Kreste, re tle re bewe ba lokileng ka tumelo. ²⁵Empa tumelo ha e se e tlile, ha re sa le pusong ya modisa eo. ²⁶Hobane bohle le bara ba Modimo ka ho dumela ho Jesu Kreste. ²⁷Hobane lona bohle ba kolobeditsweng ho Kreste, le apere Kreste.