Bagalata

¹⁵Le kae jwale lehlohonolo leo le neng le re, le na le lona? Hobane nka le paka hoba le ka be le ikgontse mahlo ho nnea wona, hola ya be e le ntho e ka etswang. ¹⁶Hleka ke fetohile sera ho lona, ka ho le bolella nnete na? ¹⁷Bao leha ba le tjhesehetse, ha ba le tjhesehele hantle; ba mpa ba rata ho re kwallela ntle, hore le tle le ba tjhesehele. ¹⁸Ke ntho e ntle ho tjhesehela botle kamehla, e seng mohla ke leng teng ho lona feela. ¹⁹Bana ba ka ba banyenyane, lona bao ke boelang ke le utlwela bohloko ba ho tswala, Kreste a tle a be a bopelwe ka ho lona; ²⁰nka rata hore ke boele ke be teng hara lona, ke tle ke tsebe ho fetola lentswe la ka; hobane ke ferekane ka baka la lona! ²¹Mpolelleng, lona ba ratang ho ba tlasa molao, hleka ha le utlwe molao na?