Bagalata

⁵a tle a lopolle ba katlasa molao, re tle re bewe bana. ⁶Mme erekaha le le bana, Modimo o rometse dipelong tsa lona Moya wa Mora wa wona, o howang, o re: Abba! Ntate! ⁷Ke moo jwale o sa hloleng o le mohlanka, empa o mora; mme ha o le mora, hape o mojalefa wa Modimo ka Kreste. ⁸Efela pele, ha le ne le eso ho tsebe Modimo, le ne le sebeletsa medimo e neng e se yona ka sebele; ⁹empa jwale, ha le tsebile Modimo, mme haholo ha le tsebilwe ke Modimo, ana le kgutlela jwang ditabeng tsa qalo, tse fokolang, tse fumanehileng, tseo le ratang le ka boela la tlangwa ke tsona? ¹⁰Le hlokomela matsatsi, le dikgwedi, le dinako, le dilemo. ¹¹Ke tshohile ka baka la lona, esere mohlomong ke sebeditse lefeela ho lona.