Bagalata

⁴Lona kaofela ba ratang ho bewa ba lokileng ka molao, le arohile ho Kreste, le wele mohaung. ⁵Empa rona, re lebeletse ka Moya tshepo ya ho loka ho tswang tumelong. ⁶Hobane ho Jesu Kreste, ho bolla le boqai ha di thuse letho, empa ho thusa tumelo e sebetsang ka lerato. ⁷Le ne le matha hantle; ke mang ya le sitisitseng hore le se utlwe nnete? ⁸Keletso eo ha e tswe ho ya le bitsitseng. ⁹Tomoso e nyenyane e hohomosa hlama kaofela. ¹⁰Haele nna, ke le tshepile Moreneng hore le ke ke la ba le kgopolo esele; empa ya le ferekanyang o tla fihlelwa ke kahlolo, leha e ka ba mang le mang.