Bagalata

⁶Hobane ho Jesu Kreste, ho bolla le boqai ha di thuse letho, empa ho thusa tumelo e sebetsang ka lerato. ⁷Le ne le matha hantle; ke mang ya le sitisitseng hore le se utlwe nnete? ⁸Keletso eo ha e tswe ho ya le bitsitseng. ⁹Tomoso e nyenyane e hohomosa hlama kaofela. ¹⁰Haele nna, ke le tshepile Moreneng hore le ke ke la ba le kgopolo esele; empa ya le ferekanyang o tla fihlelwa ke kahlolo, leha e ka ba mang le mang. ¹¹Mme nna, banabeso, hoja ke sa bolela lebollo, ekaba ke sa hlorisetswang? Athe kgopiso ya sefapano e ka be e tlohile. ¹²Hojane ba le ferekanyang ba ka ikgaola le hona.