Bakolose

¹⁴eo re nang le topollo ka madi a hae, e leng tshwarelo ya dibe. ¹⁵Ke yena e leng setshwantsho sa Modimo o sa bonweng, letsibolo la tsohle tse hlodilweng. ¹⁶Hobane ka ho yena ho hlodilwe tsohle tse mahodimong le tse lefatsheng, tse bonwang le tse sa bonweng, leha e le diterone, leha e le marena, leha e le dihlooho, leha e le mebuso; tsohle di hlodilwe ka yena, mme di hloletswe yena. ¹⁷Ke yena ya leng kapele ho dintho tsohle, mme tsohle di eme ka yena. ¹⁸Hape, ke yena hlooho ya mmele, ya kereke, qalo le letsibolo ho bafu, a tle a be le tulo ya pele nthong tsohle. ¹⁹Hobane botlalo kaofela bo ratile ho ikahela ka ho yena; ²⁰le ho busetsa dintho tsohle kgotsong ya Modimo ka yena, leha e le tse lefatsheng, leha e le tse mahodimong, kahobane e le yena ya entseng kgotso ka madi a sefapano sa hae.