Bakolose

¹⁶Ka baka leo, motho a se ke a le nyatsa tabeng ya ho ja le ya ho nwa, leha e le tabeng ya mekete, le ya dikgwedi tse ntjha, le ya disabatha, ¹⁷tseo e leng seriti sa tse tlang ho tla, empa mmele wa tsona ke Kreste. ¹⁸Motho a se ke a le hlokisa moputso ka ho rata ha hae, ka taba tse kang boikokobetso, le tshebeletso ya mangeloi, a ikenya ho tseo a sa kang a di bona, ke ho ikgohomosetsa lefeela ka kutlo ya hae ya nama, ¹⁹a sa itshwarelle ka hlooho, eo mmele wohle, ha o ntse o fepjwa, mme o teanngwa hammoho ka dikopano tsa manonyello, o holang ka kgolo ya Modimo. ²⁰Ha le fela le shwele le Kreste ka nqa ya ditaba tsa qalo tsa lefatshe, ana le sa bofellwang ka mekgwa, jwaloka hola le sa phela lefatsheng, ²¹ha ho thwe: O se ke wa ja; o se ke wa latswa; o se ke wa ama? ²²Tseo tsohle ke tse isang ho boleng; di lateletse melao le dithuto tsa batho;