Bakolose

²⁰Bana, utlwang batswadi ba lona nthong tsohle; hobane ke taba e kgahlisang Morena. ²¹Bontata bana, se halefiseng bana ba lona, ba tle ba se ke ba nyahama dipelo. ²²Bahlanka, utlwang nthong tsohle bao e leng benghadi ba lona ka nama, le se ke la ba sebeletsa feela ha ba le tadimile, jwaloka hoja le rata ho kgahlisa batho, e mpe e be ka pelo e kgabane, ka ho tshaba Modimo. ²³Mme seo le se etsang, leha e ka ba eng le eng, le se etse ka pelo e ratang jwaloka hoja le etsetsa Morena, e seng batho; ²⁴le tswe le tseba hobane le tla fuwa ke Morena moputso wa lefa; le sebeletsa Kreste Morena. ²⁵Ya etsang bokgopo, o tla jara bokgopo boo a bo entseng; hape Modimo ha o ahlole ka tshobotsi ya batho.