1 Johanne

³Mme e mong le e mong ya nang le tshepo eo ho wona, o a itlhwekisa, jwalokaha le wona o hlwekile. ⁴E mong le e mong ya etsang sebe o etsa tlolo ya molao; hobane sebe ke ho tlola molao. ⁵Mme le a tseba hobane yena o hlahile hore a tle a tlose dibe tsa rona; mme ha ho sebe ho yena. ⁶E mong le e mong ya dutseng ho yena ha a etse sebe; e mong le e mong ya etsang sebe ha a ka a mmona, ha a bile ha a mo tsebe le hona. ⁷Bana, le se ke la thetswa ke motho: Ya etsang ho lokileng o lokile, jwalokaha le yena a lokile; ⁸ya etsang sebe ke wa Diabolose; hobane Diabolose o etsa sebe esale ho qaleng. Lebaka leo Mora Modimo a hlahileng ka lona, ke hore a fedise mesebetsi ya Diabolose. ⁹E mong le e mong ya tswetsweng ke Modimo ha a etse sebe, kahobane peo ya wona e dutse ho yena; mme o sitwa ho etsa sebe, kahobane o tswetswe ke Modimo.