1 Timothea

²⁰Ba etsang dibe, o ba kgalemele pela bohle, ba bang ba tle ba be le tshabo. ²¹Ke o laela pela Modimo le Morena Jesu Kreste, le mangeloi a kgethilweng, hore taba tseo o di ele hloko, mme o se ke wa phaka wa ahlola, leha e le ho ya ka tshobotsi. ²²O se ke wa phaka wa bea motho matsoho; hape, o se ke wa kena dibeng tsa ba bang. O ipoloke, o be mohlweki. ²³O se ke wa hlola o enwa metsi feela, empa o no nwa le veinenyana ka baka la mala a hao, le ka baka la dipabo tsa hao tse ngata. ²⁴Dibe tsa batho ba bang di ye di bonahale pele, di ba etelle pele kahlolong, empa tsa ba bang tsona di ba latele. ²⁵Hape, le yona mesebetsi e metle ya ba bang e ye e bonahale pele, mme e hosele e sitwa ho patwa.