Jakobo

⁶Feela, a kope ka tumelo, a se ke a dikadika; hobane motho ya dikadikang o jwaloka leqhubu la lewatle le tsukutlwang, le akgelwang hohle ke moya. ⁷Ya jwalo a se ka a tshepa hobane a ka newa letho ke Morena. ⁸Ke motho ya pelo tse pedi, ya dikadikang metsamaong ya hae yohle. ⁹Modumedi wa mofutsana a ithabele boholong ba hae. ¹⁰Morui yena a ithabele bofutsaneng ba hae; hobane o tla fela jwaloka palesa ya jwang. ¹¹Hobane letsatsi le re le sa tjhaba le mofuthumela wa lona, le phakise le pontshe jwang, mme palesa ya jona e we, mme botle ba sebopeho sa jona bo timele; morui le yena o tla pona jwalo metsamaong ya hae. ¹²Ho lehlohonolo motho ya mamellang moleko; hobane etlare hobane a hlole moleko, o tla newa moqhaka wa bophelo, oo Morena a o baletseng ba mo ratang.