Jakobo

⁸Ke motho ya pelo tse pedi, ya dikadikang metsamaong ya hae yohle. ⁹Modumedi wa mofutsana a ithabele boholong ba hae. ¹⁰Morui yena a ithabele bofutsaneng ba hae; hobane o tla fela jwaloka palesa ya jwang. ¹¹Hobane letsatsi le re le sa tjhaba le mofuthumela wa lona, le phakise le pontshe jwang, mme palesa ya jona e we, mme botle ba sebopeho sa jona bo timele; morui le yena o tla pona jwalo metsamaong ya hae. ¹²Ho lehlohonolo motho ya mamellang moleko; hobane etlare hobane a hlole moleko, o tla newa moqhaka wa bophelo, oo Morena a o baletseng ba mo ratang. ¹³Motho ha a lekwa, a se ke a re: Ke lekwa ke Modimo. Hobane Modimo ha o lekwe ke bobe, mme ha o leke motho ka jona. ¹⁴Empa motho e mong le e mong o ye a lekwe ke ho hohelwa le ke ho tjhatjhehiswa ke takatso eo e leng ya hae.