Johanne

¹¹Le ne le tle habo lona, mme ba habo lona ha ba ka ba le amohela. ¹²Empa bohle ba le amohetseng, le ba neile tokelo ya ho ba bana ba Modimo, e leng ba dumelang lebitso la lona; ¹³ba sa kang ba tswalwa ke madi, leha e le ka ho rata ha nama, leha e le ka ho rata ha monna, ba mpa ba tswetswe ke Modimo. ¹⁴Lentswe le ne le etswe nama, mme la aha hara rona le tletse mohau le nnete, mme re bohile kganya ya lona, e kang kganya ya Mora a nnotshi ya tswang ho Ntate. ¹⁵Johanne o mo pakile; a phahamisa lentswe, a re: Ke yena eo ke neng ke mmolela, ha ke re: Ya tlang kamorao ho nna, o moholo ho nna, kahobane a ne a le pele ho nna. ¹⁶Mme re amohetse bohle mohau hodima mohau, ho tletseng ho yena. ¹⁷Hobane molao o neilwe ka Moshe, mohau le nnete di hlahisitswe ka Jesu Kreste.