Johanne

³³Le nna ke ne ke sa mo tsebe; empa ya nthomileng ho kolobetsa ka metsi, ke yena ya neng a mpoleletse, a re: Eo o tla bona Moya o theohela ho yena, mme o dula hodima hae, ke yena ya kolobetsang ka Moya o Halalelang. ³⁴Le nna ke bone, mme ke pakile hore enwa ke Mora Modimo. ³⁵Ka hosasane, Johanne o ne a eme teng hape hammoho le barutuwa ba hae ba le babedi. ³⁶A tadima Jesu a feta, a re: Bonang, ke Konyana ya Modimo. ³⁷Barutuwa ba babedi bao ba mo utlwa a rialo, ba ba ba latela Jesu. ³⁸Jesu eitse ha a reteleha, mme a ba bona ba mo latela, a re ho bona: ³⁹Le batlang? Ba re ho yena: Rabbi, — ke ho re, moruti, ha ho fetolwa — o dutse kae?