Johanne

¹⁴Ke nna modisa ya molemo, ke tseba dinku tsa ka, le dinku tsa ka di a ntseba. ¹⁵Jwalokaha Ntate a ntseba, le nna ke tseba Ntate; mme ke beela dinku bophelo ba ka. ¹⁶Ke sa na le dinku tse ding, tseo e seng tsa lesaka lena; le tsona e ka kgona ke di tlise, mme di tla utlwa lentswe la ka, mme mohlape o tla ba mong, modisa le yena a be mong. ¹⁷Seo ke ratwang ke Ntate ka baka la sona ke hobane ke bea bophelo ba ka, ke tle ke boele ke bo nke. ¹⁸Ha ho motho ya nkamohang bona; ke nna ke bo beang ka ho rata ha ka; ke na le matla a ho bo bea, le matla a ho boela ke bo nka. Taelo eo ke e nkile ho Ntate. ¹⁹Yaba phapang e boela e eba teng hara Bajuda ka baka la dipolelo tseo. ²⁰Ba bangata ho bona ba ne ba re: O na le motemona, o a hlanya; le mo mamellang na?