Johanne

¹⁸Ha ho motho ya nkamohang bona; ke nna ke bo beang ka ho rata ha ka; ke na le matla a ho bo bea, le matla a ho boela ke bo nka. Taelo eo ke e nkile ho Ntate. ¹⁹Yaba phapang e boela e eba teng hara Bajuda ka baka la dipolelo tseo. ²⁰Ba bangata ho bona ba ne ba re: O na le motemona, o a hlanya; le mo mamellang na? ²¹Ba bang ba ne ba re: Ditaba tseo hase tsa motho ya nang le motemona. Na motemona a ka tutubolla mahlo a difofu na? ²²Mokete wa Ntjhafalo ya tempele o no o etswa Jerusalema; e ne e le mariha. ²³Jesu o ne a itsamaela tempeleng, mathuleng a Salomone. ²⁴Yaba Bajuda ba mo teela hare, ba re ho yena: O tla re dikadikisa ho fihlela neneng? Ekare ha o le Kreste, o re bolelle phatlalatsa.