Johanne

²¹Ba bang ba ne ba re: Ditaba tseo hase tsa motho ya nang le motemona. Na motemona a ka tutubolla mahlo a difofu na? ²²Mokete wa Ntjhafalo ya tempele o no o etswa Jerusalema; e ne e le mariha. ²³Jesu o ne a itsamaela tempeleng, mathuleng a Salomone. ²⁴Yaba Bajuda ba mo teela hare, ba re ho yena: O tla re dikadikisa ho fihlela neneng? Ekare ha o le Kreste, o re bolelle phatlalatsa. ²⁵Jesu a ba araba, a re: Ke se ke le boleletse, mme ha le a ka la dumela; mesebetsi eo ke e etsang ka lebitso la Ntate ke yona e mpakang. ²⁶Empa lona ha le dumele, kahobane ha le dinku tsa ka, jwalokaha ke se ke le boleletse. ²⁷Dinku tsa ka di utlwa lentswe la ka; ke a di tseba, mme di a ntatela.