Johanne

³⁷Ekare ha ke sa etse mesebetsi ya Ntate, se ntumeleng; ³⁸empa ekare ha ke e etsa, mme le sa dumele ho nna, dumelang mesebetsi, hore le tle le tsebe, mme le dumele hobane Ntate o ka ho nna, le nna ke ka ho yena. ³⁹Ka baka leo, ba boela ba batla ho mo tshwara, empa a phonyoha matsohong a bona. ⁴⁰Yaba o boela a ya mose wane wa Jordane, moo Johanne a neng a kolobetsa teng pele; mme a dula teng. ⁴¹Ba bangata ba ya ho yena, ba re: Johanne yena ha a ka a etsa mohlolo leha o le mong; empa taba tsohle tse boletsweng ke Johanne hodima enwa ke tsa nnete. ⁴²Mme moo, ha dumela ba bangata ho yena.