Johanne

²⁹Bongata bo emeng moo, hobane bo utlwe, ba re: Le dumile. Ba bang ba re: Lengeloi le buile le yena. ³⁰Jesu a araba, a re: Lentswe leo ha le a etsetswa nna, empa le etseditswe lona. ³¹Jwale, e se e le kahlolo ya lefatshe lena; jwale, morena wa lefatshe lena o tla lelekelwa ntle. ³²Mme nna, etlare hobane ke nyollwe lefatsheng, ke tla hulela batho bohle ho nna. ³³A rialo a lekanya lefu leo a tla shwa ka lona. ³⁴Bongata ba mo araba, ba re: Rona re utlwile ka molao hore Kreste o tla ba teng ka ho sa feleng, mme wena, o bolela jwang hobane e ka kgona Mora motho a nyollwe na? Mora motho eo ke mang? ³⁵Jesu a re ho bona: Le sa na le lesedi ka motsotso o se okae. Tsamayang ha le sa na le lesedi, hore lefifi le se ke la le tshwara; hobane ya tsamayang lefifing, ha a tsebe moo a yang teng.