Johanne

¹⁰Ha le boloka melao ya ka, le tla dula leratong la ka, jwalokaha le nna ke bolokile melao ya Ntate, mme ke dutse leratong la hae. ¹¹Ke le boleletse taba tseo, hore thabo ya ka e dule ho lona, mme thabo ya lona e tlale. ¹²Molao wa ka ke hoba le ratane, jwalokaha ke le ratile. ¹³Ha ho motho ya nang le lerato le fetang la ya tellang metswalle ya hae bophelo ba hae. ¹⁴Lona le tla ba metswalle ya ka, ha le etsa tsohle tseo ke le laelang tsona. ¹⁵Ha ke sa tla le bitsa bahlanka, kahobane mohlanka ha a tsebe se etswang ke morena wa hae; ke le bitsitse metswalle, kahobane ke le tsebisitse tsohle tseo ke di utlwileng ho Ntate. ¹⁶Hase lona le nkgethileng, ke nna ke le kgethileng, mme ke le beile hore le ye, mme le behe, mme ho beha ha wona ho tiye, e leng hore tsohle tseo le ka di qelang ho Ntate ka lebitso la ka, a le fe tsona.