Johanne

³Ba tla le etsa tseo, ke hobane ha ba tsebe Ntate, leha e le nna. ⁴Ke mpa ke le boleletse taba tseo, hore nako ya tsona ha e tlile, le tle le hopole hobane ke na be ke le boleletse tsona. Ha ke sa ka ka le bolella tsona esale ho qaleng, ke hobane ke ne ke sa na le lona. ⁵Jwale ke ya ho ya nthomileng, mme ha ho e mong ho lona ya mpotsang hore: O ya kae? ⁶Empa kahobane ke le boleletse tseo, dipelo tsa lona di tletse maswabi. ⁷Leha ho le jwalo, ke le bolella nnete: ho molemo ho lona ha nka ikela; hobane ha ke sa ye, Moemedi a ke ke a tla ho lona; empa ha ke eya, ke tla mo romela ho lona. ⁸Mme etlare hobane yena a tle, o tla kgodisa lefatshe, hore sebe se teng, le ho loka, le kahlolo: ⁹sebe se teng, hobane ha ba dumele ho nna;