Johanne

¹¹Ha ke sa le lefatsheng, empa bona ba sa le lefatsheng; mme nna ke tla ho wena. Ntate ya halalelang, boloka ka lebitso la hao bao o nneileng bona, ba tle ba be bang, jwaloka rona. ¹²Enere ha ke sa na le bona lefatsheng, ka nna ka ba boloka ka lebitso la hao. Ke sireleditse bao o nneileng bona, mme ha ho le a mong wa bona ya timetseng, haese mora timelo, hore Lengolo le etsahale. ¹³Empa jwale, ke tla ho wena, mme ke bolela taba tsena ke sa le lefatsheng, hore ba be le thabo ya ka, mme e tlale ho bona. ¹⁴Ke ba file lentswe la hao, mme lefatshe le ba hloile, kahobane e se ba lefatshe, jwalokaha le nna ke se wa lefatshe. ¹⁵Ha ke o rapele hore o ba tlose lefatsheng, empa e le hore o ba sireletse bobeng. ¹⁶Hase ba lefatshe, jwalokaha le nna ke se wa lefatshe. ¹⁷O ba halaletse ka nnete ya hao; lentswe la hao ke nnete.