Johanne

²¹Athe yena o ne a bolela tempele ya mmele wa hae. ²²Eitse hobane a tsohe bafung, barutuwa ba hae ba elellwa hobane o ne a ba boleletse taba eo; mme ba dumela Lengolo, le taba e neng e boletswe ke Jesu. ²³Yare a sa le Jerusalema, ka Paseka, mohla mokete, batho ba bangata ba dumela lebitso la hae, ha ba bona mehlolo eo a e etsang. ²⁴Empa Jesu yena o ne a sa ba tshepe, kahobane a ne a ba tseba kaofela, ²⁵le kahobane a ne a sa tshwanele a ka bolellwa tsa motho ke e mong; hobane o ne a itsebela se leng teng ka ho motho.