Johanne

³Jesu a araba, a re ho yena: Kannetenete ke re ho wena: Motho ha a sa tswalwe la bobedi, o sitwa ho bona mmuso wa Modimo. ⁴Nikodema a re ho yena: Na motho a ka tswalwa jwang ha a se a tsofetse? Na a ka boela a kgutlela popelong ya mmae, a boela a tswalwa? ⁵Jesu a araba, a re: Kannetenete ke re ho wena: Motho ha a sa tswalwe ka metsi le ka Moya, o sitwa ho kena mmusong wa Modimo. ⁶Se tswetsweng ke nama, ke nama; mme se tswetsweng ke Moya, ke moya. ⁷Se makale, ha ke re ho wena: E ka kgona le tswalwe la bobedi. ⁸Moya o fokela moo o ratang teng, mme o utlwa modumo wa wona, empa ha o tsebe moo o tswang teng, le moo o yang teng. Ho jwalo le ho bohle ba tswetsweng ke Moya. ⁹Nikodema a araba, a re ho yena: Tseo di ka etswa jwang na?