Johanne

²⁷Yaba barutuwa ba hae ba fihla, mme ba makala ka hoba a ne a bua le mosadi; leha ho le jwalo, ha ho a ka ha eba ya reng ho yena: O batlang? kapa: O buelang le yena? ²⁸Yaba mosadi o siya nkgo ya hae, a ya motseng, a re ho batho: ²⁹Tloong, le bone motho ya mopleletseng tsohle tseo ke di entseng. Na e ke se be ke yena Kreste? ³⁰Yaba ba tswa motseng, mme ba tla ho Jesu. ³¹Lekgatheng leo, barutuwa ba hae ba ne ba mo rapela, ba re: Rabbi, ako je. ³²A re ho bona: Nna ke na le sejo seo ke se jang, seo lona le sa se tsebeng. ³³Yaba barutuwa ba botsana, ba re: Hleka e mong o kile a mo tlisetsa dijo na?