Johanne

³⁰Yaba ba tswa motseng, mme ba tla ho Jesu. ³¹Lekgatheng leo, barutuwa ba hae ba ne ba mo rapela, ba re: Rabbi, ako je. ³²A re ho bona: Nna ke na le sejo seo ke se jang, seo lona le sa se tsebeng. ³³Yaba barutuwa ba botsana, ba re: Hleka e mong o kile a mo tlisetsa dijo na? ³⁴Jesu a re ho bona: Sejo sa ka ke ho etsa thato ya ya nthomileng, le ho phetha mosebetsi wa hae. ³⁵Ana ha le re, kgwedi di sa le nne, mme etlaba e se e le kotulo? Empa ke re ho lona: Emisang mahlo a lona, le tadime masimo, hobane a se a sweufaletse ho kotulwa. ³⁶Ya kotulang o nka moputso, mme o bokellela bophelo bo sa feleng dijo, hore ya jalang a thabe hammoho le ya kotulang.