Johanne

⁴⁰Ka baka leo, eitse ha Basamaria ba fihla ho yena, ba mo rapela, ba re, a dule le bona; mme a hlola ditshiu di le pedi teng. ⁴¹Ha ba ha dumela ho yeua ka baka la polelo ya hae ba bangata ho fetisa ba pele. ⁴²Ba ne ba re ho mosadi: Ha re sa dumela ka baka la polelo ya hao; hobane re ikutlwetse, mme re a tseba hobane enwa ke Kreste ruri, Mmoloki wa lefatshe. ⁴³Eitse ha matsatsi a mabedi a fetile, a tloha teng, a ya Galelea. ⁴⁴Hobane le yena Jesu o ne a boletse, a re: Moporofeta ha a bokwe naheng ya habo. ⁴⁵Eitse ha a fihla Galelea, Bagalelea ba mo amohela, kahobane ba ne ba bone tsohle tseo a di entseng Jerusalema mohla mokete; hobane le bona ba ne ba ile moketeng. ⁴⁶Jesu a boela a tla Kana wa Galelea, moo a neng a fetotse metsi veine. Mme kgosana e ne e le teng, eo mora wa yona a kulang Kapernauma.