Johanne

⁴¹Ha ke amohele thoriso e tswang ho batho; ⁴²empa ke a le tseba hobane lerato la Modimo ha le yo ho lona. ⁴³Nna ke tlile ka lebitso la Ntate, mme ha le nkamohele; ekare ha e mong a etla ka lebitso leo e leng la hae, feela yena le tla mo amohela. ⁴⁴Le ka dumela jwang, lona le ratang ho rorisana, le sa batle thoriso e tswang ho Modimo feela? ⁴⁵Le se ke la lekanya ekaba ke nna ke tla le qosa pela Ntate; ya le qosang o teng, ke Moshe eo le mo tshepileng. ⁴⁶Hola le dumela ho Moshe, le ho nna le ka be le dumela; hobane o ngodile taba tsa ka. ⁴⁷Empa ekare ha le sa dumele mangolo a hae, le ka dumela mantswe a ka jwang?