Johanne

³²Yaba Jesu o re ho bona: Kannetenete ke re ho lona: Hase Moshe ya le neileng bohobe bo tswang lehodimong, empa ke yena Ntate ya le neang bohobe ba nnete bo tswang lehodimong. ³³Hobane bohobe ba Modimo ke bo theohileng lehodimong, bo neang lefatshe bophelo. ³⁴Yaba ba re ho yena: Morena, re fe bohobe boo kamehla yohle. ³⁵Jesu a re ho bona: Ke nna bohobe ba bophelo; ya tlang ho nna a ke ke a lapa, mme ya dumelang ho nna a ke ke a nyorwa le ka mohla o le mong. ³⁶Empa ke le boleletse hore le mpone, empa ha le dumele. ³⁷Hohle hoo ke ho newang ke Ntate, ho tla fihla ho nna; mme ya tlang ho nna, nke ke ka mo lahlela ntle. ³⁸Hobane ke theohile lehodimong, e seng ho etsa ho ratwang ke nna, empa e le ho etsa ho ratwang ke ya nthomileng.