Johanne

⁴²Mme ba re: Na eo hase Jesu, mora Josefa, eo re tsebang ntatae le mmae? Jwale o bolela jwang, ha a re: Ke theohile lehodimong? ⁴³Empa Jesu a ba araba, a re: Le se ke la seba hammoho. ⁴⁴Ha ho motho ya ka tlang ho nna, ha a sa hulwe ke Ntate ya nthomileng; mme nna, ke tla mo tsosa ka letsatsi la bofelo. ⁴⁵Ho ngodilwe mangolong a baporofeta, ho thwe: Ba tla rutwa bohle ke Modimo. Ka baka leo, e mong le e mong ya utlwileng Ntate, ya ithutileng ho yena, o tla ho nna. ⁴⁶Hase hore motho o kile a bona Ntate, haese ya tswang ho Modimo; yena o bone Ntate. ⁴⁷Kannetenete ke re ho lona: Ya dumelang ho nna o na le bophelo bo sa feleng. ⁴⁸Ke nna bohobe ba bophelo.