Johanne

⁶⁴Empa ba bang ba teng ho lona ba sa dumeleng. Hobane Jesu o ne a tseba, esale ho qaleng, ba sa dumeleng le ya tlang ho mo eka. ⁶⁵A ba a re: Ke ka baka leo ke le boleletseng, ka re: Ha ho motho ya ka tlang ho nna, ha a sa ho fuwe ke Ntate. ⁶⁶Haesale mohlang oo, barutuwa ba bangata ba hae ba kgutlela morao, ba se ke ba hlola ba tsamaya le yena. ⁶⁷Yaba Jesu o re ho ba leshome le metso e mmedi: Na le lona le rata ho ikela na? ⁶⁸Yaba Simone Petrose o mo araba, a re: Morena, re ka ya ho mang? ke wena ya nang le mantswe a bophelo bo sa feleng. ⁶⁹Mme re dumetse, ra ba ra tseba hobane ke wena Kreste, Mokgethwa wa Modimo! ⁷⁰Jesu a ba araba, a re: Ana hase nna ke le kgethileng, lona ba leshome le metso e mmedi? athe e mong wa lona ke Diabolose!