Johanne

⁹Eitse hobane a ba bolelle taba tseo, a itulela Galilea. ¹⁰Empa banababo ha ba se ba nyolohile, le yena a nyolohela moketeng, e seng pontsheng, a mpa a ya ka mokgwa wa sephiri. ¹¹Bajuda ba ne ba mmatla moketeng, ba re: Elwa o kae? ¹²Mme phapang e ne e le kgolo hodima hae hara setjhaba. Ba bang ba ne ba re: O molemo; ba bang ba re: Tjhe; empa o thetsa batho. ¹³Leha ho le jwalo, ho ne ho se motho ya buang tsa hae pepeneneng, ka baka la ho tshaba Bajuda. ¹⁴Ha e se e le mahareng a mokete, Jesu a nyolohela tempeleng, a ruta. ¹⁵Bajuda ba makala ke hona, ba re: Na eo o tseba Mangolo jwang, athe ha a ka a ithuta?