Johanne

¹³Empa bafarisi ba re ho yena: O a ipaka e le wena; bopaki ba hao hase ba nnete. ¹⁴Jesu a araba, a re ho bona: Leha ke ipaka, bopaki ba ka ke ba nnete; hobane ke tseba moo ke tswang teng le moo ke yang teng; empa lona, ha le tsebe moo ke tswang teng le moo ke yang teng. ¹⁵Le ahlola ka nama; nna ha ke ahlole motho. ¹⁶Mme leha nka ahlola, kahlolo ya ka ke ya nnete; hobane ha ke nnotshi, ke mpa ke na le Ntate ya nthomileng. ¹⁷Esita le molaong wa lona ho ngodilwe hore bopaki ba batho ba babedi ke ba nnete. ¹⁸Ke nna ke ipakang, mme Ntate ya nthomileng o a mpaka le yena. ¹⁹Yaba ba re ho yena: Ntatao o kae? Jesu a araba, a re: Ha le ntsebe, ha le tsebe le Ntate; hoja le a ntseba, le ka be le tseba le yena Ntate.