Johanne

³¹Re a tseba hobane Modimo ha o utlwe baetsadibe; empa ekare ha e mong a hlonepha Modimo, a etsa thato ya wona, o ye o mo utlwe. ³²Ha ho eso ho utlwahale le ka mohla o le mong hobane motho o tutubolotse mahlo a motho ya tswetsweng e le sefofu. ³³Hojane eo hase wa Modimo, o ne a ke ke a tseba ho etsa letho. ³⁴Ba mo araba, ba re: O tswaletswe dibeng kahohle, mme o ka hla wa re ruta na! Yaba ba mo lelekela ntle. ³⁵Jesu a utlwa hobane ba mo lelekile; yare ha a mo fumana, a re ho yena: Na o dumela ho Mora wa Modimo na? ³⁶A araba, a re: Ke mang, Morena, ke tle ke dumele ho yena? ³⁷Jesu a re ho yena: O mmone, mme e bile ke yena ya buang le wena.