9 Ba bang ba ne ba re: Ke yena. Ba bang ba ne ba re: O tshwana le yena. Empa yena a re: Ke nna.
10 Yaba ba re ho yena: Mahlo a hao a tutubolohile ka mokgwa o jwang?
11 A araba, a re: Motho ya bitswang Jesu o entse seretse, mme o nnetile mahlo ka sona, a ntoo re ho nna: Eya letsheng la Silowe, o iphotle. Ke ile, mme hobane ke iphotle, ka bona.
12 Yaba ba re ho yena: Eo o kae? A re: Ha ke tsebe.
13 Ba isa ho bafarisi ya neng o foufetse pele.
14 Athe e be e le ka Sabatha Jesu a entseng seretse, a tutubolla mahlo a hae.
15 Jwale, bafarisi le bona ba mmotsa kamoo a kileng a bona kateng. A re ho bona: O mpeile seretse mahlong, mme ka iphotla, ka ba ka bona.