Daniele

²²Empa wena, mora wa hae, Belshatsare, ha o a ka wa kokobetsa pelo ya hao, leha o tsebile taba tseo kaofela; ²³o ikgantsheditse Monghadi wa lehodimo, mehope ya ntlo ya hae e tlisitswe pela hao, mme wena, le mahosana a hao, le basadi ba hao, le dinyatsi tsa hao, le nwetse veine mehopeng eo, wa ba wa roka medimo ya silefera, le ya kgauta, le ya koporo, le ya tshepe, le ya mahong, le ya majwe, e sa boneng, e sa utlweng, e sa tsebeng letho, mme Modimo o fuparetseng phefumoloho ya hao letsohong la wona, o busang tsohle tse tla o hlahela, ha o a ka wa o hlonepha. ²⁴Ke ka baka leo letsoho leo le rometsweng ke wona ho tla ngola lengolo leno. ²⁵Hlaku tse ngodilweng ke tsona tsena: Mene, mene, thekel, upharsin. ²⁶Kwahollo ya dihlaku tseno ke yona ena: Mene (badilwe) ke ho re: Modimo o badile mmuso wa hao, mme o o kgaotse. ²⁷Thekel (lekantswe): O lekantswe ka sekala, mme ha fumanwa o le tjhatsi. ²⁸Peres (karolo): Mmuso wa hao o arotswe, mme o neilwe Bamede le Bapersia.