Hosea

¹¹Ke o neile morena bohaleng ba ka, ke tla mo tlosa kgalefong ya ka. ¹²Ho bofeletswe bokgopo ba Efraime, sebe sa hae se bolokilwe. ¹³Bohloko ba pelehi bo tla mo hlahela. Eo ke ngwana ya sethoto, hobane ha a itlhahise nakong ya teng, hore a tswalwe. ¹⁴Na ke tla ba lopolla matleng a nqalo ya bafu, ke ba namolele lefung?Wena lefu, mahloko a hao a kae? Wena nqalo ya bafu, tshenyeho ya hao e kae? Ha ke bone kamoo nka fetohang tabeng eo kateng. ¹⁵Leha Efraime a beha ditholwana hara banababo, moya wa botjhabela o ya foka, moya wa Jehova o ya tswa feelleng. Ho tla psha sediba sa hae, mehlodi ya hae e ome. Sera se tla hapa matlotlo a mesebetsi yohle ya bohlokwa. ¹⁶Samaria o tla kgalemelwa, hobane o ikgantshitse ho Modimo wa hae. Ba tla bolawa ke lerumo, masea a bona a pshatlwe, basadi ba bona ba emereng ba petsolwe.