4 A le tadima, a tshoha, mme a re: “Keng, Morena?”La re ho yena: “Dithapelo le dithuso tsa hao ho mafutsana di amohelehile ho Modimo, mme o o hopotse.
5 Jwale romela banna Jopo, o bitse Simone ya bitswang Petrose;
6 ke moeti wa motho e mong, ya bitswang Simone, sesuhi sa matlalo, ya nang le ntlo pela lewatle.”
7 Yare hoba lengeloi le buang le yena le tlohe, a bitsa bahlanka ba hae ba babedi le mohlabani e mong wa ba mo lebelang, ya hlomphang Modimo,
8 a ba hlalosetsa tsohle tse etsahetseng, a nto ba roma Jopo.
9 Ka la hosasane, ha bao ba ntse ba le tseleng, mme ba se ba atametse motse, Petrose a hlwella kahodima ntlo ho ya rapela; e ne e ka ba hara mpa ya motsheare.
10 A lapa, a lakatsa ho ja. Yare ha ho ntse ho lokiswa dijo, a ba le pono.