31 Paulosi a bua le molaodi wa ba lekgolo le bahlabani, a re: “Ha banna bao ba sa dule ka sekepeng, le ke ke la pholoha.”
32 Yaba bahlabani ba kgaola mehala ya seketswana, ba a se tlohela, sa wela.
33 Yare ha bo tla sa, Paulosi a kgothaletsa bohle hore ba je, a re: “Kajeno ke letsatsi la leshome le metso e mene le ntse le lebeletse, le sa je letho;
34 kahona ke le kgothaletsa hore le je, le tsebe ho phela, hobane ha ho le ya mong wa lona ya tla lahlehelwa le ke qoba ya moriri wa hae.”
35 Hoba a rialo, a nka bohobe, a boka Modimo pela bohle, a bo ngwatha, a qala ho ja.
36 Bohle ba kgothala, le bona ba eja.
37 Ka sekepeng re ne re le batho ba makgolo a mabedi le mashome a supileng a metso e tsheletseng.