17 Ba halaletse nneteng; lentswe la hao ke nnete.
18 Jwalokaha o nthomile lefatsheng le nna ke ba romile lefatsheng,
19 mme ke ikgalaletsa ka baka la bona, hore le bona ba halaletswe nneteng.
20 “Ha ke rapelle bona feela, empa ke rapella le ba dumelang ho nna ka lentswe la bona,
21 hore bohle ba tle ba be ntho e le nngwe, jwalokaha wena, Ntate, o le ka ho nna, le nna ke le ka ho wena, hore le bona ba tle ba be ka ho rona, lefatshe le tle le dumele hore o nthomile.
22 Tlotla eo o nneileng yona ke ba neile yona, hore ba tle ba be ntho e le nngwe, jwalokaha le rona re le ntho e le nngwe:
23 Nna ka ho bona le wena ka ho nna, hore ba be ntho e le nngwe ka botlalo, lefatshe le tle le tsebe hore o nthomile, le hore o ba ratile jwalokaha o nthatile.